குடும்பப் படங்களின் நாயகன் என்று ரசிகர்களால் கொண்டாடப்பட்ட பிரபல இயக்குனர் வி.சேகர் உடல் நலக் குறைவு காரணமாக தனியார் மருத்துவமனையில் சிகிச்சை பெற்று வந்த நிலையில், வெள்ளிக்கிழமை மாலை காலமானார். அவருக்கு வயது 73.
பிரபல திரைப்பட இயக்குனர் வி.சேகர் உடல்நலக் குறைவால் இன்று (நவம்பர் 14) சென்னையில் காலமானார். அவருக்கு வயது 73.
பிரபல திரைப்பட இயக்குனர் வி.சேகர் உடல்நலக் குறைவால் இன்று (நவம்பர் 14) சென்னையில் காலமானார். அவருக்கு வயது 73.
தமிழ் சினிமாவின் பிரபல இயக்குனர் வி.சேகர் உடல் நலக் குறைவு காரணமாக, கடந்த பத்து நாட்களுக்கு மேலாகச் சென்னை போரூர் ராமச்சந்திரா மருத்துவமனையில் சிகிச்சை பெற்று வந்த நிலையில், சிகிச்சை பலனின்றி வெள்ளிக்கிழமை மாலை உயிரிழந்தார். அவரது மறைவுக்குத் தமிழ்த் திரையுலகினரும், ரசிகர்களும் ஆழ்ந்த இரங்கலைத் தெரிவித்து வருகின்றனர்.
குடும்பப் படங்களின் நாயகன் என்று ரசிகர்களால் கொண்டாடப்பட்ட இயக்குனர் வி.சேகர் 1990-ஆம் ஆண்டு 'நீங்களும் ஹீரோ தான்' என்ற திரைப்படத்தின் மூலம் இயக்குநராக அறிமுகமானார். அதன் பிறகு அவர் இயக்கிய 'பொண்டாட்டி சொன்னா கேட்கணும்', 'விரலுக்கேத்த வீக்கம்', 'வரவு எட்டணா செலவு பத்தணா' உள்ளிட்ட குடும்பப் படங்களின் மூலம் தமிழ் சினிமா ரசிகர்களிடையே மிகுந்த வரவேற்பைப் பெற்றார்.
ஏழை மற்றும் நடுத்தர வர்க்கத்தினரின் குடும்பப் பிரச்சினைகளை மையமாகக் கொண்ட இவரது படைப்புகள், சமூகத்தில் பெண்களின் உரிமைகளையும் உரக்கப் பேசியவை என்பது குறிப்பிடத்தக்கது. மேலும், முதன்முதலில் நகைச்சுவை நடிகர்களான வடிவேலுவையும் விவேக்கையும் ஒரே படத்தில் நடிக்க வைத்த பெருமைக்குரியவர் இவர்.
இயக்குனர் வி.சேகர் வாழ்க்கையும் திரைப் பயணமும்
இயக்குனர் வி.சேகர், திருவண்ணாமலை அருகே உள்ள நெய்வாநத்தம் கிராமத்தில் எஸ்.வெங்கடேசன் - பட்டம்மாள் தம்பதிக்கு மகனாகப் பிறந்தார். திருவண்ணாமலையில் பி.யூ.சி. (PUC) படித்தார்.
பணி அனுபவம்: தனது 19-வது வயதில் ஏவிஎம் ஸ்டுடியோவில் கருப்பு வெள்ளை 16 எம்.எம். லெப்பில் உதவியாளராக வேலைக்குச் சேர்ந்தார். பின்னர், சென்னை மாநகராட்சி சுகாதாரத் துறையில் 15 ஆண்டுகள் பணியாற்றினார்.
கல்வி: பணியில் இருந்தபோதே மாலை நேரத்தில் நந்தனம் கலைக் கல்லூரியில் பி.ஏ. மற்றும் பச்சையப்பன் கல்லூரியில் எம்.ஏ. படிப்புகளை முடித்தார்.
திரைப்பட ஆர்வம்: பகுதிநேரமாக எடிட்டர் லெனினிடம் உதவியாளராகச் சேர்ந்த இவர், இயக்குநர் கே.பாக்யராஜின் உதவியாளராக இரண்டு ஆண்டுகள் கதை இளகாவில் பணியாற்றியிருக்கிறார்.
இயக்குநராக வெற்றி
வி.சேகர் இயக்கிய முதல் படமான 'நீங்களும் ஹீரோதான்' வெற்றி பெறாததால், மீண்டும் சுகாதாரப் பணிக்குத் திரும்பினார். பின்னர், நிழல்கள் ரவி, கவுண்டமணி, செந்தில் ஆகியோருடன் இணைந்து அவர் இயக்கிய ‘நான் புடிச்ச மாப்பிள்ளை’ திரைப்படம் மிகப் பெரிய வெற்றிப் படமாக அமைந்தது. அமைந்தது.
அதைத் தொடர்ந்து, ‘ஒண்ணா இருக்க கத்துக்கணும்’, ‘பொறந்த வீடா புகுந்த வீடா’, ‘காலம் மாறிப் போச்சு’, ‘பொங்கலோ பொங்கல்’ உள்ளிட்ட பல வெற்றிப் படங்கள் அவர் இயக்கினார்.
வி.சேகருக்கு மலர்க்கொடி என்ற மகளும், காரல் மார்க்ஸ் என்ற மகனும் உள்ளனர்.
