இணையத்தில் வைரல் ஆகும் இலங்கைநடிகை வீடியோ... என்ன காரணம் தெரியுமா!
இலங்கையைச் சேர்ந்த பிரபல சிங்கள மாடல் அழகி பியூமி ஹன்சமாலி, தனது 19 வயது மகனை இடுப்பில் தூக்கி வைத்துக் கொஞ்சும் வீடியோவை வெளியிட்டு இணையத்தில் பெரும் விவாதத்தைக் கிளப்பியுள்ளார். ஆரம்பத்திலிருந்தே கவர்ச்சியான புகைப்படங்கள் மற்றும் சர்ச்சைக்குரிய வீடியோக்கள் மூலம் ரசிகர்களை ஈர்த்து வந்த இவர், தற்போது தனது மகனுக்கு 19 வயதாகிவிட்டதைக் குறிப்பிட்டு, “இதுவே நான் அவனைத் தூக்கும் கடைசி முறை” என்ற வாசகத்துடன் இந்த வீடியோவைப் பகிர்ந்துள்ளார்.
கணவரைப் பிரிந்து தனது மகனுடன் வசித்து வரும் பியூமி, அவ்வப்போது மகனுடன் இருக்கும் தருணங்களைப் பகிர்வது வழக்கமென்றாலும், இந்த வீடியோ தற்போதைய சமூக வலைதளச் சூழலில் பேசுபொருளாகியுள்ளது.
இந்த வீடியோவை பார்த்த நெட்டிசன்கள் பலரும் பியூமி ஹன்சமாலியை மிகக் கடுமையாக விமர்சித்து வருகின்றனர். வயதுக்கு வந்த மகனை இடுப்பில் தூக்கி வைத்துக்கொண்டு இவ்வளவு கவர்ச்சியான உடையில் வீடியோ வெளியிடுவது ஒரு தாய்க்கு அழகல்ல என்றும், இது மகனின் எதிர்காலத்தையும் பாதிக்கும் என்றும் சமூக வலைதளங்களில் கமெண்ட்டுகள் குவிகின்றன.
குறிப்பாக, அவர் அணிந்திருந்த ஆடை மற்றும் வீடியோவின் பின்னணி ஆபாசமாக இருப்பதாகக் கூறி, “தாய்மை என்ற பெயருக்கே களங்கம் விளைவிக்கிறார்” எனப் பலரும் கண்டனம் தெரிவித்து வருகின்றனர்.
அதே சமயம், இந்தப் பதிவிற்கு ஆதரவாகவும் சில குரல்கள் ஒலிக்கின்றன. “பெற்ற தாய் தனது மகனைத் தூக்குவதில் என்ன தவறு இருக்கிறது?” என்றும், அவர் உருக்கமாகப் பதிவிட்ட கருத்தைப் புரிந்து கொள்ளாமல் சிலர் தேவையில்லாமல் விமர்சிப்பதாகவும் ஆதரவாளர்கள் பதிவிட்டு வருகின்றனர்.
ஏற்கனவே நிதி மோசடி புகார்கள் மற்றும் 18 பிளஸ் அடல்ட் கன்டென்ட் விவகாரங்களில் சிக்கிச் சர்ச்சைக்குள்ளான பியூமி ஹன்சமாலிக்கு, இந்த புதிய வீடியோ மீண்டும் ஒருமுறை இணையத்தில் ஆதரவு மற்றும் எதிர்ப்பு அலைகளை ஒரே நேரத்தில் உருவாக்கியுள்ளது.
