அல்லம்பட்டியைச் சேர்ந்த ஜீவராஜன் என்பவர், தனது மனைவி அந்தோணி பிரியாவை (வயது 32) கத்தியால் கழுத்தை அறுத்து சமையலறை கொலை செய்த சம்பவம் பெரும் அதிர்ச்சியை ஏற்படுத்தியுள்ளது.
இருவருக்கும் இரண்டு சிறு குழந்தைகள் உள்ளனர். குடும்ப தகராறு எனத் தொடங்கிய வாக்குவாதம், கொடூரமான முடிவில் முடிந்தது.
இருவருக்கும் திருமணமாகி பல ஆண்டுகள் ஆகின்றன. ஆரம்பத்தில் சாதாரண குடும்ப தகராறுகள் இருந்து வந்த நிலையில், அது படிப்படியாக இரு குடும்பங்களுக்கிடையேயான பகைமையாக மாறியது. மனைவி வீட்டார், கணவர் வீட்டு நிகழ்ச்சிகளுக்கு வருவதை நிறுத்தினர்.
இந்நிலையில், அந்தோணி பிரியாவின் தம்பிக்கு திருமணம் நிச்சயிக்கப்பட்டது. இந்தத் திருமணத்திற்கு கணவர் ஜீவராஜன், மனைவியை வற்புறுத்தினார். “நாம் இருவரும் கண்டிப்பாகச் செல்ல வேண்டும்” என்றார். ஆனால் அந்தோணி பிரியா, கடந்த கால கோபங்களை நினைவுகூர்ந்து, “செத்தாலும் வரமாட்டேன்” என்று கூறினார்.
வீட்டில் இருவரும் தனியாக இருந்தபோது இந்த வாக்குவாதம் உச்சக்கட்டத்தை எட்டியது. ஒருவர் மீது ஒருவர் கோபமான, தகாத வார்த்தைகளைப் பயன்படுத்தினர்.
“செத்தாலும் உன் தம்பி திருமணத்துக்கு வரமாட்டேன்” என்று ஜீவராஜன் கூறியதும், கடுப்பான மனைவி அவரைத் தாக்கினார்.
உணர்ச்சிவசப்பட்ட ஜீவராஜன் சமையலறையில் இருந்த கத்தியை எடுத்து மனைவியின் கழுத்தை அறுத்தார். ரத்த வெள்ளத்தில் சரிந்த அந்தோணி பிரியா சம்பவ இடத்திலேயே உயிரிழந்தார்.
பின்னர் ஜீவராஜன் விருதுநகர் கிழக்கு காவல் நிலையத்தில் சரணடைந்தார்.
ஒரு கதை வடிவில் இந்த சம்பவத்தை பார்ப்போமா..?
ஒரு சிறிய கிராமத்தில் ராஜன் என்ற கணவனும், பிரியா என்ற மனைவியும் வாழ்ந்து வந்தனர். அவர்களுக்கு இரண்டு அழகான பிஞ்சு குழந்தைகள்.
வீட்டில் சந்தோஷம் நிறைந்திருந்தாலும், சில சமயங்களில் சிறு சிறு பிரச்சினைகள் எழும். ஒரு நாள், பிரியாவின் தம்பி திருமணத்துக்கு செல்ல வேண்டும் என்று ராஜனை வற்புறுத்தினாள். ராஜன் மறுத்தான். பேச்சு வாக்குவாதமாக மாறியது.
இருவரும் தனியாக இருந்தபோது, கோபம் தலைக்கேறியது. ஒருவர் மீது ஒருவர் கத்தினர். ஒரு நிமிடத்தில் ராஜன் கையில் கத்தி ஏறியது. பிரியா இறந்தாள். இரு குழந்தைகளும் தாயை இழந்தனர். தந்தை சிறைக்குச் சென்றார்.
அன்று இரவு, அந்த வீட்டில் இரு குழந்தைகளும் அழுதுகொண்டிருந்தன. அவர்களை யாரும் அரவணைக்கவில்லை. காலையில் எழுந்ததும் “அம்மா... அப்பா...” என்று அழைத்தபோது பதில் இல்லை.
அந்தக் குழந்தைகளின் கண்ணீர்தான் இன்று நமக்கு பாடம்.
கணவன்-மனைவி இடையே பிரச்சினை வரும் போது, ஒருவர் அமைதியாக இருக்க வேண்டும் என்பது காலத்தின் கட்டாயம். வாக்குவாதம் தொடங்கிய உடனேயே கோபத்தை அடக்கி, அமைதியைக் கடைப்பிடித்தால், பிரச்சினை பெரிதாகாது.
“நான் ஜெயித்துவிட்டேன்” என்ற எண்ணத்தை விட்டுவிட்டு, குடும்பத்தின் எதிர்காலத்தையும், குழந்தைகளின் நலனையும் நினைக்க வேண்டும்.
பேச்சுவார்த்தை, வாக்குவாதமாக மாறுகிறது என்று தெரிந்த அடுத்த நிமிடமே அமைதியை கையிலெடுங்கள்.
ஒரு நிமிட கோபம் : முழு வாழ்க்கையையும் அழித்துவிடும்.
அமைதி : குடும்பத்தைக் காப்பாற்றும்.
இந்தச் சம்பவம் அனைவருக்கும் ஒரு எச்சரிக்கை. குடும்பத்தில் பேச்சுவார்த்தை வாக்குவாதமாக மாறும் போது, யாராவது அமைதியாக இருங்கள். உங்கள் குழந்தைகளின் எதிர்காலம் உள்ளது.
Tags:
Crime