அழகான சிரிப்புக்கு பின்னே.. நாட்டையே நடுங்க வைத்த சம்பவம்... யார் இந்த ஈஷாரா செவ்வந்தி..?வெளியான பாக்கீர் தகவல்கள்..!
சமூக வலைதளங்களில் "கையில் விலங்கு, முகத்தில் அழகான புன்னகை" என்று வைரலாகி, சினிமா நடிகை போல தோன்றிய இளம் பெண்ணின் புகைப்படம் பலரை ஈர்த்தது.
ஆனால், அந்தப் பெண் இலங்கையின் நிழல் உலக பெரும் புயலை ஏற்படுத்திய குற்றவாளி – 25 வயதான இஷாரா செவ்வந்தி! கடந்த பிப்ரவரி 20 அன்று கொழும்பு புதுக்கடை நீதிமன்றத்தில் நடந்த படுகொலை சம்பவத்தில் மூளையாக செயல்பட்ட இவர், எட்டு மாதப் பின் நேபாளத்தில் கைது செய்யப்பட்டார்.
இந்தச் சம்பவம் இலங்கை போலீஸாரை சவாலுக்கு உட்படுத்தியது. என்ன நடந்தது? விரிவாகப் பார்ப்போம்.
பழிவாங்கல் திட்டத்தின் தொடக்கம்
இலங்கையின் நிழல் உலகத்தில் பெயர் பெற்ற தாதா கனேமுல்ல சஞ்சீவ், மற்றொரு தாதா கெகல்பத்ர பத்மேவின் தந்தையை கொன்ற வழக்கில் விசாரணைக்காக பிப்ரவரி 20 அன்று கொழும்பு புதுக்கடை நீதிமன்றத்திற்கு போலீஸ் காவலில் அழைத்துச் செல்லப்பட்டார்.
இதனால் ஆத்திரத்தில் இருந்த கெகல்பத்ர பத்மே, துபாயில் இருந்தே பழிவாங்கல் திட்டத்தை வகுத்தார். அவர் தனது கும்பலினர் சமைந்து தில்ஷன், இஷாரா செவ்வந்தி உட்பட சிலரை கொழும்புக்கு அனுப்பி வைத்தார். இவர்களின் இலக்கு – சஞ்சீவ்!
நீதிமன்றத்தில் நடந்த நாடகம்
வழக்கறிஞர் உடையில் மாறிய சமைந்து தில்ஷன், தனது கூட்டாளிகளுடன் நீதிமன்றத்திற்குள் நுழைந்தார். WhatsApp மூலம் ஒருவருக்கொருவர் தகவல்களை பரிமாறிக் கொண்டனர்.
அதேநேரம், ஈஷாரா செவ்வந்தியும் வழக்கறிஞர் உடையில், கையில் சட்டப்புத்தகத்துடன் அமர்ந்தார். அந்தப் புத்தகத்தின் 291-வது பக்கத்தில் மறைத்து வைக்கப்பட்டிருந்த துப்பாக்கியை, அவர் நுட்பமாகக் கொண்டு வந்தார்!வழக்கு ஐந்தாம் அறையில் நீதிபதி முன் நிறுத்தப்பட்டார் சஞ்சீவ, குற்றவாளிக் கூண்டில் நின்றார். வழக்கறிஞர்கள் அமரும் 'யூ' வடிவ மேசையில் தில்ஷன் அமர்ந்திருந்தார்.
அவரருகே சென்ற செவ்வந்தி, "பயப்படாதே" என்று ஆறுதல் கூறி, மேசை கீழ் வைக்கப்பட்ட புத்தகத்தை அவரிடம் கொடுத்ததாகத் தெரிகிறது. பின்னர், அறையை விட்டு வெளியேறி, கெகல்பத்ரா பத்மேவுக்கு தகவல் தெரிவித்தார்.அந்த இடைவெளியில், புத்தகத்தைத் திறந்த தில்ஷன், உள்ளிருந்த துப்பாக்கியை எடுத்து, குற்றவாளிக் கூண்டில் நின்ற சஞ்சீவை சுட்டுக் கொன்றார்!
"கண் இமைக்கும் நேரம்" என்பது போல, தில்ஷன் தப்பி ஓடினார். வெளியே காத்திருந்த செவ்வந்தியும் ஆட்டோவில் தப்பினார். பின்னர், ஒரு துணிக்கடைக்குச் சென்று உடைகளை மாற்றி, நீர்கொழும்பு பகுதிக்கு சென்றனர். அங்கிருந்து தனித்தனியே பிரிந்தனர்.
போலீஸ் தேடலும், தலைமறைவு விளையாட்டும்
புத்தளத்தில் சோதனைச் சாவடியில் தில்ஷனை கைது செய்த போலீஸ், செவ்வந்தியைத் தேடித் தவித்தது. அவளின் கைது இல்லாமல், கொலை கும்பலின் முழு வலையமைப்பும் தெரியாது. எட்டு மாதங்களாக 200-க்கும் மேற்பட்ட சோதனைகள், 14 தனிப்படை குழுக்கள், வெகுமதி அறிவிப்பு – எதுவும் பலன் தரவில்லை!
அதிரடியாக, கொலை மூளையான கெகல்பத்ர பத்மேவையே போலீஸ் கைது செய்தது. அவரிடம் விசாரணையில், செவ்வந்தியின் இருப்பிடம் தெரிந்தது. கொலைக்குப் பின், போதைப்பொருள் கும்பல் உலாவும் மித்தானிக்குத் தப்பிச் சென்ற செவ்வந்தி, அங்கிருந்து ஜெ.கே. என்றவரின் உதவியுடன் யாழ்ப்பாணத்திற்கு மாறினார்.
70 லட்சம் ரூபாய் செலவில் இந்தியாவிற் சென்று மூன்று வாரங்கள் தங்கிய பின், தரைவழி மார்க்கத்தில் நேபாளத்திற்குப் போனார். அங்கு குளிர்ந்த மலைப்பகுதியில் ஒரு வீட்டில், நான்கு கூட்டாளிகளுடன் மறைந்திருந்தார்.
கைது மற்றும் அதிர்ச்சி வாக்குமூலம்
அக்டோபர் 14 அன்று, போலீஸ் அந்த வீட்டைச் சுற்றி வளைத்து, செவ்வந்தியையும் நான்கு கூட்டாளிகளையும் கைது செய்தது. அவர்கள் இலங்கைக்கு அழைத்துச் செல்லப்பட்டனர்.
விசாரணையில் செவ்வந்தி அளித்த வாக்குமூலம் அதிர்ச்சியை ஏற்படுத்தியது: "துப்பாக்கியை நீதிமன்றப் படிக்க வைத்தே தில்ஷனிடம் கொடுத்தேன். அதை இடுப்பில் சொருகி, என்னுடன் உள்ளே சென்று அமர்ந்தார். பின் சஞ்சீவை சுட்டுக் கொன்றார்" என்று!
மேலும், எட்டு மாதங்கள் தலைமறைவாக இருக்க உதவியவர்கள் யார்? பின்னணியில் வேறு சக்திகள் உள்ளதா? போலீஸ் தீவிர விசாரணையில் ஈடுபட்டுள்ளது.
இந்தச் சம்பவம் இலங்கை உலகின் நிழல் ஆழத்தை வெளிப்படுத்தியுள்ளது. செவ்வந்தியின் வைரல் புகைப்படம் இப்போது கொலைக் கதையின் முகமாக மாறியுள்ளது – அழகும் குற்றமும் இணைந்த அதிர்ச்சி!
